Diaranson anochi a drenta informe di un accidente banda di Flamingo Apartments na Caya G.F. “Betico” Croes, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di Hyundai Accent a subi caminda sin a duna preferencia na e Suzuki y a bay dal riba dje. Despues di a accidenta e chauffeur a core sali bay for di e sitio. Polis di trafico a confisca e vehiculo y ta keda en espera di e chauffeur cu a core bay of e doño di e auto pa e presenta na departamento di polis di trafico na Balashi.