Diahuebs atardi a drenta informe di cu un auto lo a perde control baha caminda y bolter na Sasakiweg, mesora a dirigi tanto polis como ambulans pa e sitio. Na yegada di patruya na e sitio a bin compronde cu aki e chauffeur di un Hyundai Elantra lo a perde control di su vehiculo, baha caminda y bolter. E chauffeur a resulta levemente herida y tabata desea asistencia medico. Na yegada di ambulans na e sitio a atende cu e chauffeur cu tabata tini dolor na su lomba. Polis a tuma datos di e accidente aki.