Diadomingo anochi a drenta informe di cu tin un auto Hyundai i10 coriendo masha malo mes den Oranjestad, mesora a pidi e patruyanan tira bista y para e auto aki. Despues di un rato un patruya a bin topa e vehiculo aki casi drentando un pacus den Caya G.F.”Betico” Croes. Enberdad e chauffeur tabata pata pata te cu casi e no por a para riba su pianan. Pa su mesun seguridad y di otronan a detene.
