Diaranson atardi a drenta informe di un candela grandi cu tabata menasa e casnan na Weg Fontein, mesora a dirigi tanto polis como bomberonan na e sitio. Na yegada di e patruya a bin nota cu aki ta trata di un candela di yerba den e mondi y cu tabata expandiendo rapidamente. Polis a pidi pa bomberonan presenta cu mas urgencia. Na yegada di bombero mesora a combati y domina e candela y a paga esaki evitando pa esaki pega e casnan den cercania na candela.