Diadomingo ora polis a caba di atende cu e persona corta y na sanger na Citgo Sasaki, polis a nota eybanda mes un auto para basta rato caba motor sendi, ora polis a acerk’e a bin descubri cu tin un persona drumi den e auto y e auto den drive. Cu cautela polis a lant’e y pidi’e pa pone e auto den Park anto a papia cu chauffeur y a nota cu e chauffeur ta cansa, e chauffeur a admiti cu e tin hopi soño y ora e caba di sosega e lo sigui su ruta. Polis a bis’e bon haci pero si e ta sinti cu e no por core yama un familiar pa pasa busk’e.