Diadomingo mainta a drenta informe di un accidente hit & run cu a sosode na Piedra Plat pero e auto a sigui core y no kier a para mientras e otro auto ta su tras. Yegando Noord nan a avisa polis cu ainda nan ta tras di e auto cual ta un Suzuki Swift grijs A11628 cual ta bayendo pabao direccion Palm Beach. Na altura di Wei Tai Restaurant polis a blokea e auto y a atende cu e chauffeur mientras a solicita presencia di polis di trafico pa atende e accidente aki.