Diabierna anochi a drenta informe di un accidente basta serio cu hende herida dilanti Botica Aloë na Pos Chikito, mesora a dirigi tanto polis, ambulans como tambe bomber. Na yegada di e patruya a bin compronde cu aki ta trata di un accidente entre varios auto y tambe un motociclista. Na prome instante no por a logra saca afor exactamente con e accidente a sosode pero varios auto tabata envolvi y un motociclista a keda pega bao di e auto. Na yegada di e bomberonan a logra saca e motociclista herida for di bao di e auto. Ambulans a transporta e victima cu urgencia pa hospital. Polis a detene e chauffeur burachi cu a ocasiona e accidente.