Diabierna anochi a drenta informe di un accidente cu hende herida na Caya Juancho Kock, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia entre un Daihatsu Sirion y un Mitsubishi Colt. Debi na e fuerte impacto ambos chauffeur a resulta herida. Na yegada di e ambulansnan nan a atende e victimanan y a transporta nan pa hospital.
