Diabierna atardi a drenta informe di un accidente cu hende herida na Parkietenbos banda di dump, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un incidente unda e motociclista mes su so cu su so a cay cu un scooter y a resulta seriamente herida. Na yegada di e ambulans nan a atende e victima y a transporte cu sumo urgencia pa hospital. Mientras a solicita asistencia di e investigadornan technico y forensyco di polis pa asina saca afor y documenta locual a sosode. Ademas a solicita slachtofferhulp pa bay na hospital pa atende cu e famia di e victima.