ORANJESTAD – Na december ultimo gerencia di WEB den persona di sr. Alfredo Koolman, hunto cu presidente di sindicato SIWA, sr. Erick Henriquez, a firma e acuerdo colectivo di trabou nobo pa empleadonan di WEB Aruba. E CAO nobo ta valido pa 5 aña. Director Koolman ta satisfecho cu e hecho aki. Esaki ta algo hopi constructivo, pa motibo cu e ta aporta na pas laboral y un mihor bista di gasto di personal pa un periodo di 5 aña.

Firmamento di e CAO a tuma lugar dia 21 di december ultimoden presencia di e team negociador cu a consisti di miembronan di e sindicato y miembronan di gerencia di WEB, cu sosten di conseheronan tanto di parti di sindicato como di parti di gerencia. E negosacionnan a tuma un tempo di 6 siman y a bay semper den un bon ambiente. Prome cu e negosacionnan a cuminsa tabatin diferente sesionnan riba diferente topico. A yega na un acuerdo dia 7 di december ultimo, cual a ser aproba pa un mayoria di miembro di SIWA dia 8 di december ultimo. Gerencia di WEB ta gradici SIWA pa un negosacion sano y profesional.