Diabierna merdia a drenta informe di un accidente cu hende herida banda di Palmita na Pos Chikito, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Nissan March coriendo cu velocidad halto a bay haci un maniobra y a perde control y bolter. Na yegada di e ambulans a atende esnan den e auto cu a resulta mas spanta cu herida y no tabata necesario pa hibanan hospital.
