Inacceptable cu na Aruba hendenan tin cu biba di e forma aki riba caya!

Diabierna mainta polis di bario di Oranjestad a bay wak un situacion cu ta andando banda di Censo (ex-hotel Colombia) unda hendenan sin cas tin cu drumi riba caya y pio ainda na un sitio peligroso y exponi na solo y yobida sin dak riba nan cabes. Na e momentonan aki instancianan ta ser poni na altura di e caso aki pa asina por wak kiko por haci pa brinda e hendenan aki un dak riba nan cabes. Nos ta spera cu lo mas pronto posibel regla algo pa nan cu mas urgencia den e temporada aki di comparti cu amor y cariño pa nos prohimo.