Diaranson atardina drenta informe di un accidente na rotonde Watty Vos Boulevard na Tanki Leendert, mesora a dirigi patruya na e sitio. Na yegada di patruya a bin constata cu aki chauffeur di un Nissan Tiida cora no a regula su velocidad ni mantene distancia for di e Toyota Hilux pick-up blanco su dilanti y a dal tras di esaki. E impacto a hasi basta danja na ambos bumper di e Tiida y e patras di e pickup. Afortunadamente ningun persona a resulta herida. Polis di trafico a hasi investigashon y tuma datos di e accidente aki.