Diadomingo anochi a drenta informe di accidente entre un auto y ciclista, mesora a dirigi tanto polis como ambulans na e sitio. Na yegada di patruya a bin compronde cu un auto lo a alcansa e ciclista bente abou banda di Fantastic Garden na Bushiri y a sigui core bay. E homber ciclista a dicidi di core bay te na su cas na Bubali unda ela bati alarma pa e accidente aki. Ambulans a presenta na e sitio y a atende cu e victima. Polis di trafico a tuma datos pa asina por investiga y saca afor cua ta e auto cu a causa e accidente hit and run aki.