Diadomingo anochi a drenta informe di un accidente banda di Eumar na Catiri, mesora a dirigi un patruya na e sitio. Na yegada di e patruya a bin compronde cu e Nissan Sentra tabata bini for di nort y a bay bira na man robez pa direccion di Papaya pero e Sentra aki no a tene na cuenta cu tabata bini un Suzuki Swift di direccion contrario y nan a dal den otro. Net despues di e impacto e chauffeur y e ocupante a baha na careda bay lagando e auto atras. Un di nan tin cabey largo y e otro tabata lomba afo. E chauffeur di e Swift a resulta levemente herida. Specialista di trafico a presenta na sitio pa asina cuminsa cu e investigacionnan necesario.
