Pa medio di e comunicado aki Bureau Rampenbestrijding Aruba ta informa lo siguiente na tur automobilistanan.

Diamars 29 november 2022, Bureau Rampenbestrijding Arub(BRA) conhuntamente cu diferente departamentonan lo eherce un SIMULACRO den caso di accidente aereo.
E SIMULACRO aki lo tuma lugar riba e tereno di Aeropuerto Reina Beatrix.
Pa es motibo ta pidi tur automobilista pa tene na cuenta cu algun desviacion den trafico den e aerea di Aeropuerto Reina Beatrix entre 9.30’or anochi y 1.30’or marduga. Ta pidi cooperacion di tur automobilistanan pa tene bon cuenta cu e cambio aki den e orario stipula.

Di antemano danki pa e comprencion.

Rino Hermans
Director
Bureau Rampenbestrijding Aruba