Diaranson mainta a drenta informe di un accidente banda di Cayena Mall na Caya G.F. (Betico) Croes, mesora a dirigi un patruya na e sitio. Na yegada di e patruya a bin compronde cu aki ta trata di un auto di polis envolvi unda cu e chauffeur di un auto mas dilanti a brake diripiente y e auto su tras a logra para na tempo pero e polis den e patruya si no a logra para na tempo y a bay dal tras di e Kia Rio cu tabata tras di e auto cu a brake diripiente. Debi na e impacto 2 damita den e Kia Rio a resulta levemente herida. Na yegada di e ambulans nan a atende e victimanan na e sitio mes.