Diadomingo atardi a drenta informe di un accidente cu hende herida dilanti KFC na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un motociclista unda cu e chauffeur di e auto lo a sali sin mira e scooter y a dal e motociclista. E motociclista a cay y a keda herida, na yegada di e ambulans nan a atende e victima.
