Diadomingo madruga a drenta informe di un apartamento na candela na Palm Beach, mesora a dirigi tanto polis como bombero na e sitio. Na yegada di e patruya a bin compronde cu aki ta trata di un studio apartment na candela y cu e mama y yiu a core bay na bisiña pa pidi ayudo ora a mira huma. Bisiñanan a bin purba yuda paga e candela pero esaki tabata envano. Segun a compronde cu aki lo ta trata di un bela sendi pero como a paga esaki ta kere cu e cayente a smelt cay riba un plastic banda di e cama y esaki a origina e candela den e camber. E candela a expande y bira mas grandi causando mas daño na e cas por completo. Na yegada di bombero a combati y domina e candela.