![](https://www.awe24.com/wp-content/uploads/2022/10/0B1FD374-D22D-462B-BDAD-BDE6EB4CA7CA-668x334.jpeg?v=1667234655)
Diadomingo madruga a drenta informe di un accidente cu hende herida na Sero Patrishi, mesora a dirigi tanto polis como ambulans na e sitio. Na yegada di e patruyanan a bin compronde cu aki ta trata di un auto Hyundai cu lo a dal un palo di lus cu transformator riba dje y esaki a bin cay riba e auto. Polis a pidi presencia di Elmar pa kita e coriente completo y tambe e equipo di rescate di bombero pa asina libera tanto e chauffeur como e pasahero cu tambe a keda pega den e auto. Na yegada di Elmar cu a garatisa coriente ta full kita y no tin peliger mas e equipo di rescate a cuminsa haci nan trabao di rescate mientras e paramediconan di ambulans a cuminsa atende e victimanan. Na momento cu a libera e victimanan a logra a transporta ambos victima pa hospital.