Diadomingo madruga a drenta informe di un accidente basta serio banda di e veld di Duracel, mesora a dirigi tanto polis como ambuilans na e sitio. Na yegada di e patruya a bin compronde cu aki ta trata di un accidente unda e chauffeur coriendo cu velocidad halto bayendo pariba riba e Green Corridor a perde control bolter baha caminda bay dal fuertemente riba 2 mata y tanto e chauffeur como e damita pasahero a resulta seriamente herida y tambe lo a kibra nan pia. Na yegada di e ambulans ya ambos a ser saca for di e auto y tabata kehando di bastante dolor. Na yegada di e di 2 ambulans nan a atende ambos y a transporta nan pa hospital.