Diasabra madruga a drenta informe si un accidente na Palm Beach, mesora a dirigi un patruya na e sitio. Na yegada di e patruya a bin compronde cu aki ta trata di un accidente pa falta di preferencia unda un Hyundai a sali dilanti di un Starlet sin dune preferencia. E impacto tabata basta fuerte te cu ora e Starlet kier a bandona e sitio e no tabata por a move. Pero como e partidonan a regla e asunto entre nan polis a keda afo.
