Diabierna madruga a drenta informe di un accidente cu hende herida y un di e autonan a pega na candela na Boegoeroei, mesora a dirigi tanto polis, ambulans y tambe bombero na e sitio. Na yegada di e patruya a bin compronde cu e auto a bay dal tras di e van y mesora a pega na candela. Bomberonan a yega na e sitio y mesora a combati e candela, mientras prome cu esey mirones a yuda saca e victima herida y a hal’e for di e auto. Na yegada di e ambulans nan a atende e victima y a transporte pa hospital.