Diaranson anochi durante patruya polisnan atento pasando un auto a haya holor fuerte di marihuana aki mesora a para e auto aki na altura di Cayena Mall pa controla. Durante e control a haya un hoben di 17 aña tras di stuur y mesora a detene pa core auto sin rijbewijs. Hunto cu e chauffeur tabata tin un otro hende cu tampoco tin rijbewijs pero a bay cu e yabi di e auto. Ora polis a listra den e auto a bin descubri poco sakito di marihuana y a confisca esaki. Polis a pidi pa un takelwagen ya cu e pasahero a bay cu esaki y asina mes a confisca e auto. Na yegada di e vehiculo di transporte a hiba e hoben warda di polis.