Diadomingo mainta a drenta informe di un caso di ladronicia di un auto for di Zandstraat, mesora a dirigi un patruya na e sitio. Na yegada di e patruya a bin compronde cu aki ta trata di ladronicia di un Toyota Hiace blanco, mesora a emiti e informe pa tur e patruyanan riba caya pa tira bista riba e auto aki. Un rato despues a drenta informe di cu e auto aki lo a caba di ser laga atras na Palm Beach mesora a dirigi patruyanan na e sitio. Na caminda pa e sitio a drenta otro informe di cu esun cu tabata na stuur di e auto a cruza caminda bay Palm Beach Plaza, un otro patruya a bay rondia den e vecindario y cu e descripcion di con e sospechoso ta bisti a logra di detene esun cu a horta e vehiculo.