Diasabra mainta a drenta informe di un pelea entre un pareha unda un a saca cuchiu pa e otro na Semeleerstraat, mesora a dirigi un patruya na e sitio. Na yegada di e patruya a bin compronde cu e pareha tabata den un bringamento cu otro unda e muher a pasa man pa un cuchiu y a corta e homber. E homber no tabata desea ambulans y ni tampoco kier a entrega keho. Polis a pidi pa slachtofferhulp bin papia cu e pareha.
