Dialuna marduga a drenta informe di un accidente den parkinglot di The Village na Palm Beach, mesora a dirigi patruya na e sitio. Na yegada di patruya na e sitio a bin compronde cu aki chauffeur di un Nissan March lo a reverse y dal den otro auto para. Debi cu e chauffeur di e March no tabata tini seguro a solicita presencia di polis di trafico. Na yegada di e patruya a constata cu e chauffeur di e March ta bou influencia y a detene. Vehiculo di transporte a bini na e sitio y a transporta e detenido pa warda di polis.