Diamars atardi un di nos colaboradornan a topa cu un accidente riba caminda di Kudawecha poco pabao di e veld. Mesora a notifica polis como tambe ambulans pa bini na e sitio. Na yegada di e patruya na e sitio a bin compronde cu aki ta trata di un accidente unda cu chauffeur di un KIA Rio no a regula su velocidad ni mantene distancia for di e Nissan Cube su dilanti y a slip bay dal tras di esaki. E dama chauffeur di e Nissan Cube tabata keha di dolor di nek debi na e impacto.
