Diaranzon madruga a drenta informe di cu na Pindastraat a scucha un grito duro y ora a sali pafo a haya un persona sangrando, mesora a dirigi tanto polis como ambulans na e sitio. Na yegada di e patruya a bin encontra cu e persona tur na sanger benta abao cu un hinca cu tabata sangrando profusamente y a solicita pa e ambulans cu mas urgencia. Na yegada di e ambulans nan a atende y a transporte cu sumo urgencia pa hospital. Polis tin e area sera pa investigacion. Poco ta e informacion cu polis a ricibi na e sitio y a solicita presencia di recherche na e sitio pa tuma e investigacion aki over. Ta trata aki di un ser masculino di 27 anja cual su situacion ta hopi critico.
