A.T.A. Aruba Tourism Authority mester actua contra advertencia falso y fraudulento causando daño na nos isla!

Den oranan di anochi a drenta informe di un problema na un compleho di apartamento na Palmitastraat, mesora a dirigi un patruya na e sitio. Na yegada di e patruya a bin compronde cu aki ta trata di un grupo di turista desgusta. Aki ta trata di algun turista Colombiano cu dia nan a yega a ser deteni pa algun rato paso autoridad di frontera na airport a kere nan tabata tin materialnan cu traha como droga pero a resulta falso. Esaki tabata nan prome mala suerte, di 2 ta ora no por a haya avion pa bay y mester a dividi e grupo den 3 parti pa asina por a yega na destino final. Mientras esei a pasa caba a bin back Aruba asina via Aruba pa bay bek Colombia. Nan a book riba booking.com un apartment pero a resulta di a haya camber estilo hostel. Kiko ta hostel, ta trata un cas cu varios camber hunto unda ta hinca 20 hende hunto, homber y muher unda tur mester hasi uso di e mesun baño y no tin privacidad. Riba page ora show hostel su luga ta sali potret di Royal Plaza unda esaki ta puro gañamento cu potret. Segun e gerente esaki ta modo nobo pa pone prijs mas abao y huur pa turista di sur america mayormente pero cu tin horario pa haci uso di airco tambe mirando nan por haci uso pool di apartmento mirando ta hasi uso dos nomber pa huur unda si bo ta den hostel si bo kier paña pa seka of papel ect. tur esaki ta ser cobra apart di e prijs mientras na final e deposito cu bo a paga casi semper no ta ser entrega back mirando reclamo cu tin online ta papia pa su mes cu hende NO ta haya deposito bek y mayoria biaha ta papia di cu ta paso e dianan cu nan no tabata tey of e ta bisa cu bo mester bai via e websitevpa haya e deposit pero esaki si ta ser cobra ora di yegada. E mas ta stranjo ta cu turista cu book tur tin casi mesun reclamo, nan ta bisa riba web nunca ta papia di deposit na yegada pero ta haya sorpresa mientras tambe ora yega na airport ta haya sorpresa cu e señora ta bisa cu turista a cancela pero esaki NO TA BERDAD mientras ta e ta cancela e booking, ademas algun ta bisa tambe cu e NO tabata desea entrega deposito, aki polis a papia cu señora unda esakinan a haya nan placa bek danki na polis cu a bay paden y splica cu awo tin varios keho caba duna di e luga y señora doño di e lugar aki. Pronto e señora aki lo mester bay presenta dilanti mesa berde. Mirando tin cita y cu posibilidad pa keda deteni debi na su modo fraudulento pa horta turista door di book paso ta unico luga cu book cu tin tanto reclamo. Ban wak kiko autoridad di turismo lo bai haci ya cu esaki no ta e unico pero tin mas hostel na Aruba, pero e otronan no tin tanto reclamo manera esaki. E turistanan ta bisa Aruba ta un bunita lugar y cu hende amabel pero cu mester orienta turista nan principalmente ora yega airport pa bisa nan no bay keda eynan paso pa prijs cu bo ta paga bo por haya hotelnan mucho mas bonita y pa mesun tarifa.