ORANJESTAD: Diasabra anochi na veld di Pos Chikito a tuma luga e gran apertura di campeonato di softball ‘fast pitch’ di Aruba Softball Bond. E entusiasmo ta grandi, un total di binticuater ekipo; 15 den double A, 6 den A-Klas y 3 di damas ta competi pa e titulo maximo di Aruba Softball Bond. E aña aki e campeonato ta dedica na sr. Regino Amaro Irausquin y sra. Shirley Mariela Irausquin, dos atleta hopiconoci na Aruba tempo nan tabata hunga softball. Minister Endy Croes a hiba un bon discurso dirigiendo na nosateletanan di softball presente, pa semper kere den bo mes y aplica semper e 4D cu ta Deseo, Disciplina, Dedicacion y Determinacion pa logra tur bo metanan den deporte. Presidente di ASB sra. Zuleyka Willems tambe a hiba palabra y gradiciendo tur presente pa nan aporte na softball y cu ASB ta trahando duro pa e campeonato aki.

Minister Endy Croes a lansa e prome bala pa decreta e campeonato oficialmente habri. Prome wega tabata entre ekipo di Eagles y Lady Tigers den e categoria femenino.Minister Endy Croes ta gradici Presidente di Aruba Softball Bond, sra. Zuleyka Willems pe invitacion. Alabes ta deseaAruba Sotball Bond y tur e ekipo cu ta participando un exitoso campeonato 2022 – 2023.