Dialuna madruga a drenta informe di un accidente cu hende herida pabao di e rotonde Piedra Plat, mesora a dirigi tanto polis como ambulans na e sitio. Na yegada di e patruya a bin comronde cu e chauffeur coriendo cu velocidad halto a perde control bay dal un palo di lus kibra y a keda shora den wayanan di coriente. Polis a solocita presencia di Elmar pa bin kita e coriente. Na yegada di e ambulans nan no por a haci nada otro cu papia cu e victima y puntre su situacion y unda e tin dolor. Na yegada di Elmar mesora a kita coriente y por a libera e victima. Ambulans a transporte e victima pa hospital.