Diasabra madruga a drenta informe di un accidente cu hende herida na Caya San Juan Pablo II, mesora a dirigi tanto polis como ambulans na e sitio. Na yegada di e patruya a bin conpronde cu aki ta trata di un accidente unda cu un chauffeur burachi coriendo cu velocidad halto a bay dal fuertemente riba un mata di kwihi. E impacto tabata fuerte y e chauffeur a resulta herida. Na yegada di e ambulans nan a atende e victima y a transporte pa hospital.
