Diamars mainta a drenta informe di un accidente Hopi fuerte na Ponton, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Ford Explorer a bay pasa un Toyota Yaris riba e caminda di Ponton pa Tanki Flip y ey ta caminda e Yaris a bay lora na su banda robes y e Explorer a dal den dje y djey bay plama y basha cura di cas di Ponton 101. Ta biba un señora di edad cu a pasa den un susto masha grandi. Ambulance a trata e señora na sitio. No tabatin ningun herido. Impacto tabata fuerte, por nota cu velocidad halto a hunga un rol den e accidente aki. Varios bisiña a core lanta despues di e skucha un zonido fuerte. Na e sitio a rekeri tanto DOW, DTI pa controla e construccion di e cas di palo ya cu e Explorer a dal un pilar mande bay dal riba e cas di palo y pushe di tal forma cu e no a keda safe pa e habitantenan y e instancianan aki mester control’e. Ademas WEB tambe mester a bay pa drecha tubo di awa cu tabata basha awa afo y mas cu claro pa e susto cu esaki a causa na e habitantenan slachtofferhulp a bay pa companja e famia den e susto grandi aki!
