ORANJESTAD: Diahuebs mainta den un encuentro ameno Minister Endy Croes a gradici y felicita miembronan di prensa pa nan excelente trabou cu nan ta eherece, di informa nos pueblo di Aruba debidamente, buscando semper e informacion corecto pa comparti.

Libertad di expresion ta un derecho fundamental cu prensa tin y cu mester cuida, prensa obhetivo tin un papel sumamente importante den esaki, ban protehe e libertad di expresion y aplica e derecho aki na un forma responsabel y den tur transparencia, respet y semper cu e berdad, buscando ambos banda di medaya.

Tur aña ariba prome di September un dia importante cu nos ta para keto, reflexiona y reconoce e trabou valioso di nos miembronan di prensa di Aruba. Minister Endy Croes ta desea tur miembronan di prensa hopi exito y pa continua desplegando nan excelente trabou.

Concluyendo Minister Endy Croes a felicita tur prensa, skirbi, scucha y mira cu ta informa nos pueblo debidamente!