Diahuebs mainta a drenta informe di un accidente cu hende herida riba E.J. “Watty” Vos blvd. panort di e rotonde Cumana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e taira di un pick-up den coremento a rementa y esaki a pone e pick-up kentel. Debi na esaki 2 persona den e vehiculo a resulta herida. Ambulans a presenta y a atende e heridonan.
