Diabierna mainta a drenta informe di un caso di ladronicia na un cas na Paradera, mesora a dirigi un patruya na e sitio. Na yegada di e patruya a bin compronde cu aki ta trata di algun stand di metal cual ta ser usa ora di fiesta. E doño a bisa cu ela scucha poco desordo y ora ela sali pafo ela mira un Hyundai Getz preto sali bay cu algun di su standnan, mesora ela sali bay nan tras pero a perdenan for di bista. Polis a tuma e keho y ta investigando.