Diaranson mainta a drenta informe di cu atrobe Mexzy Lont a terrorisa esnan di Monumenten Bureau, mesora a dirigi un patruya na e sitio. Na yegada di e patruya ya net Mexzy a lanta bay caba pero a laga e lugar tur sushi y tur su pertenencianan cu mal holor a keda atras. E empleadonan mes tin miedo di acerke pa bis’e algo ya cu Mexzy ta ser considera pa un persona peligroso y sa cana cu cuchiu y a yega di hinca hende caba. E problema ta cu turistanan ta bini cu tour eynan tambe pero cu e holor desagradable y e mahos bista ta masha malo mes pa nos turismo awor cu nos mas mester di dje. Ban mira gobierno haci algo!