Diasabra madruga polisnan atento di distrito 1 (Oranjestad) a para pa controla un auto sospechoso na J.G. Emanstraat, mesora a pidi pa refuerso di mas patruya. Durante e control a bin descubri arma di candela y municion den e auto. Polis a confisca e arma di candela y e municionnan como tambe e vehiculo ademas a detene e 2 hombernan y un muher cu tabata den e auto. A solicita presencia di e vehiculo di transporte pa transporta e sospechoso separadamente pa warda di polis. E investigadornan tecnico y forensyco tambe a presenta pa documenta cu imagennan e hayazgo aki. Takelwagen a presenta pa asina hiba e vehiculo pa mas investigacion.