Ta un burla ora tende cu e guera di Ukraina ta e problema di Aruba. E problema financiero di Aruba ta e gobierno cu no a baha su gasto.  Segun promer ministro sector comercial ta para pa algun grupo, pero partido politico tambe ta para pa algun grupo di nan promer y despues pa pueblo. Pero ora cu bo ta bisa baha gasto, dicon ta lanta un stichting Hunto y emplea 5 hende y pone un promer piedra pa e edificio pa stichting hunto. Dicon? Pa un grupo di diferente stichting mester topa otro of traha cu otro mester edificio nobo? Si hoy dia nos ta broma cu digitalisacion ta e rumbo nobo y tog ta keda hasi politikeria pa construi mas edificio? Dicon no ta usa e MFA edificionan mas eficiente?

Adicto ambulante ta responsabilidad di tur organisacion social of religioso cu tin e deber pa lora manga y traha pa e ser humano. Pero nan ta hasie? No, esey nan no ta hasi, mas bien con nan por recauda fondo pa nan por keda cobra salario y hasi minimal pa e comunidad chikito cu nan ta biba riba dje.

Mientrastanto e clase trahador Arubiano, no tin representacion aki na Aruba, pero mester esaki  riba bo mesun isla? Kico ta e problema cu diferente gruponan di stranhero ta grupa y ta mustra cu nan ta forma y cu nan ta glorifica nan cultura y nan bandera. Pero na kico nan ta contribui positivamente na Aruba. Unda boso ta keda pa duna un man cu e adictonan ambulante y unda boso ta pa duna trabao na hendenan lokal? Dicon boso ta hasi trabao y no ta contribui cu belasting ?

NO MAS IMPUESTO pa paga debe, tur hende mester paga belasting. TIPS tambe ta un fuente di entrada y riba esaki tur hende tambe mester paga belasting. LOTERIA tambe si bo gana bo tambe mester paga belasting.  NO MAS BELASTING , NO MAS IMPUESTO, NO MAS TAX. No ta keda na comerciante pa cobra e plaka di belasting pa gobierno. Mihor kita tur hende cu ta traha na belasting kantoor y laga docentenan educa e pueblo con pa maneha nan cartera y por disfruta mas. Pa loke ta bar y restaurant, pone un fee pa entrada cu ta bira e tax pa e personanan cu tin dimas y cu por yuda caha di gobierno. Stop supermercadonan y introduci tienda nan bek. Unda tin control.

Gobierno bin cu incentivo pa esnan cu ta paga belasting. No ranca mas for di nan. Na otro paisnan bo ta pone bo recibonan hunto y ora di declara belasting, e belasting kantoor ta haya sa for di tur unda tin comercio.

Gobierno bay na e trucknan, barbershop, watersport y controla si nan ta duna recibo. Bay na e hotelnan y check si nan ta duna recibo y mira cuanto illegal ta traha via companianan. Werksternan y handyman di gobierno cu no ta traha of ta bay cas mas tempran, hefenan cu no ta controla, ey caba bo por baha gasto, no work no pay y hefenan ta perde nan trabao ya cu nan no ta controla.