Diaranzon mainta a drenta informe di un accidente cu hende herida banda di Wu Di den Caya G. F. (Betico) Croes na Tarabana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un dama di edad coriendo auto bayendo pabao pero tabata tin e signlight cendi pa bira na man drechi y net na e momentonan ey un auto para na e crusada ey den Caya Solo a probecha di subi caminda pero como cu e dama a sigui stret nan a bay dal riba otro. Debi na e impacto e dama chauffeur a resulta herida. Na yegada di e ambulans nan a atende e victima na e sitio mes.