Diasabra madruga a drenta informe di un accidente unda cu un auto lo a bolter na rotonde Ponton riba E.J. “Watty” Vos blvd., mesora a dirigi patruyanan na e sitio. Na yegada di e patruya a bin compronde cu aki ningun auto a bolter pero si a keda pega den banda, locual a sosode ta cu door di e yobida y e wiper no ta traha e chauffeur no por a mira bon y a bira mucho tempran y a subi e acera den banda. Polis a nota cu e chauffeur ta poco bebi y ora a test e chauffeur esaki a indica cu e ta bao influencia y no ta permiti pa core auto. Polis mesora a detene y hib’e warda di polis. Afortunadamente ningun hende a resulta herida.