Diasabra madruga a drenta informe di un accidente riba E.J. “Watty” Vos  blvd. pariba di e rotonde Ponton, mesora a dirigi un patruya na e sitio. Na yegada di e patruya a bin compronde cu e chauffeur di e Toyota Axio bayendo pabao yegando e rotonde Ponton a bay mucho na man drechi dal na e acera perde control bay na man robes pasa over di e median y cay riba su dak lastra un bon distancia riba e dak. Debi na e impacto e chauffeur a haya un kap na su cabes y na su rudia. Na prome instante e no tabata desea atencion di ambulans pero ora polis a wak e kap na e cabes di e chauffeur a pidi toch pa ambulans bini controle. Na yegada di e ambulans nan a atende e chauffeur y a bay cun’e pa hospital.