Diadomingo anochi a drenta informe di un accidente basta pisa cu hende pega den auto na e rotonde di Watty Vos Boulevard na Ling & Sons, mesora a dirigi polis, ambulans y brandweer na e sitio. Na yegada di patruya na e sitio a bin constata cu aki un Nissan Murano lo a bay dal riba e rotonde sin brake. Ambulans y bomberonan a yega na e sitio pa brinda asistencia pero no tabata tini mucho cu por a hasi. E victima di e accidente no tabata tin pulso y a keda pega den e vehiculo debi na e impacto. Dokter a keda pidi na sitio pa asina por a confirma morto di e chauffeur D.L. Maduro di 30 anja. Polis di trafico a bini na e sitio pa asina por a hasi investigashon di con exactamente e accidente aki a tuma lugar. Di parti di Awe24.com nos ta manda nos mas profundo palabranan di condolencia na famia di e fayecido