Dialuna atardi pa mas o menos 5:40 central di polis ta wardo informa cu un persona lo a haya problema den lama na Baby Beach.
Central ta despacha un patruya di polis na e sitio di e sucedido.
Patruya ta yega na e sitio y ta bin topa cu e famia di e homber turista cu lo a haya problema den lama. Polis ta ser informa cu e tata lo a drenta lama cu su yui y un paar di mucha mas , na un dado momento door cu e lama a cuminsa bira bruto e lo a pusha su yui y e otro muchanan pa bay na canto. E yui ta sali di lama y ta avisa e mama y na unda cu no por a wak e tata mas. Di biaha ta bati alarma y ta yama polis.
Un agente policial hunto cu un otro hende mas a wak e curpa ta drief y a drenta lama y a logra bin cu e curpa tera.
A bay over na re-anime, wardando riba ambulance. Un rato despues ambulance ta yega na e sitio y ta continua na purba re-anima e turista masculino.
Pero lamentablemente no por a haci nada mas, y pa 7:05 dr Texier ta constata morto di e turista masculino mericano, faam Nair, naci 30 januari 1979 ( 43 aña).
Departamento di slachtofferhulp a presenta y na unda lo brinda yudansa na e famia di e fayecido.
Cuerpo Policial y awe24.com ta manda palabra di condolencia na famia di e fayecido.