Diamars anochi a bolbe drenta informe di destruccion door di tiramento di piedra riba varios auto pasando riba E.J. “Watty” Vos blvd. na altura di Bushiri, mesora a dirigi patruyanan na e sitio. Na caminda pa e sitio a drenta un otro informe cu 2 di e mmalhechoranan aki un na flanel oranje/roos y e otro na preto y tabata canando banda di e parke di hunga. Na yegada di e patruya a bin topa cu 2 di e victimanan cual un di nan a bisa cu e no kier entrega keho ya cu un di nan ela reconose como su sobrino y e mes lo bay atende cun’e y su mayornan. Un otro a presenta na warda di polis na Oranjestad cu su windshield kibra, Un mas a presenta na un adres den Bushiri pero esey e daño tabata minimo pero a yama su seguro y un otro persona mas cu a bira victima tabata ti opinion cu ta perdemento di tempo y nada ta ser haci. E cos aki mester stop pasobra esaki por conduci na accidentenan hopi serio hasta cu resultadonan fatal. Como tambe hinka hende den gastonan y molester innecesario. Ta trata di hendenan irresponsabel di eybanda mes. Suplica ta bay na nan mayornan pa nan papia cu nan yiunan. Si un momento of otro un di victimanan tuma ley den su man wanta e golpi pasobra boso yiunan mes a buske!