Diamars mainta a drenta informe di cu tin un persona desconosi riba un tereno na Sero Blanco, mesora a dirigi patruyanan na e sitio. Na yegada di e patruya a bin encontra cu e persona sospechoso cual a bin resulta un stranhero cu lo a subi e tereno en busca di hero bieuw pa cambia esakinan pa placa. E habitante no a aprecia cu e sospechoso a subi su tereno pa coy hero bieuw sin su permiso y pesey a yama polis. A bin resulta cu e sospechoso no por a mustra ningun documento cu e ta legalmente na Aruba y a bay cun’e warda di polis pa control’e. E sospechoso tabata cu un pickup dobbel cabina cua a keda atras pa conosirnan of su doño bin busk’e.