Den oranan di madruga a drenta informe di un accidente cu hende herida na Catiri, mesora a dirigi tanto polis como ambulans na e sitio. Na yegada di e patruya a bin compronde cu e dama chauffuer di un Lincoln a slip riba e caminda muha, perde control y a bay dal riba un porta y un pilar di un cas. E impacto tabata basta fuerte y e dama chauffeur a resulta herida, ademas e porta grandi di e cura a bay cay riba e auto staciona den e cura di e cas. Na yegada di e ambulans nan a atende e dama y a transporte pa hospital.