Diamars atardi a drenta informe di un accidente dilanti di Lee Feng Supermarket na Caya G.F. “Betico” Croes, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un Renault s.u.v. no a regula su velocidad ni a mantene distancia a bay dal tras di e Nissan Leaf. Afortunadamente ningun hende a resulta herida.
