Diamars atardi a drenta informe di un caso di kiebro cu ladronicia na un cas na Sero Lopes, mesora a dirigi un patruya na e sitio. Na yegada di e patruya a bin compronde cu esaki ta e cas unda dia 10 di juni ultimo a tene un entrada judicial y a confisca basta droga y desde cu a detene e sospechoso e dama no a keda mas na e cas y a bay na cas di su mayornan mientras tanto. E doรฑo di e cas mirando cu a haya droga na e cas kiermen mester kibra e contrato y asina e dama poco poco tabata hiba su pertenencianan. Den e temporada aki ladronnan a probecha di a drenta den e cas y horta algun muebles cu tabata tin den e cas. Pero como cu a bin descubri cu a horta den e cas a saca tur su pertenencianan y a keda di pasa na recherche pa entrega keho di kiebro y ladronicia. Dilanti polis e dama a entrega e yabinan di e cas na e doรฑonan.
